“Ukrayna münaqişəsi ilə əlaqədar Qərb ölkələrində yorğunluq ola bilər”.

Missiya.Az xəbər verir ki, bunu Litva prezidenti Gitanas Nauseda “El Mundo” qəzetinə müsahibəsi zamanı deyib.

“Bu müharibənin bəzi nəticələri, məsələn, enerji qiymətlərinin artması digər ölkələrdəki insanların və seçicilərin davranışına mənfi təsir göstərə bilər. Qərb cəmiyyətlərində Ukrayna müharibəsi ilə əlaqədar yorğunluqdur”, - deyə siyasətçi vurğulayıb.

Onun sözlərinə görə, Rusiyanın Ukraynada qələbəsi regionun təhlükəsizliyi üçün fəlakətli nəticələr deməkdir:

“Nəyin bahasına olursa olsun, Rusiya bu müharibədə qələbə qazanmamalıdır”, - deyə Litva prezidenti bildirib.

Nauseda qeyd edib ki, Ukrayna qüvvələrinin uğur qazanmamasına gəlincə, bu, qismən bizim də günahımızdır:

“Biz müttəfiqlər olaraq yaxşı qərarlar qəbul etmişik, lakin təəssüf ki, biz bu qərarları Ukraynaya dəstək olaraq çox ləng həyata keçiririk”, - deyə siyasətçi əlavə edib.

Daşqın Həsənov
Missiya.Az