Plastik cərrah Artaşes Hayrapetyan xəbərdarlıq edib ki, burun qanaması müxtəlif səbəblərdən baş verə bilər - partlayan damardan şişə qədər. 

Missiya.Az xəbər verir ki, rusiyalı həkim "Lenta.ru"ya müsahibəsində qanaxmaya səbəb olan  təhlükəli amilləri də açıqlayıb.

O izah edib ki, burundan qan selikli qişasının zədələnməsi, allergiya, tez-tez burun üfürülməsi, burun damcılarının uzun müddət istifadəsi və iltihablanma səbəbindən axa bilər. Bu hallarda problemi evdə həll etmək olar.

"Qanaxmanı dayandırmaq üçün bir az qabağa əyilmək və burun dəliklərini yumşaq bir şəkildə yumaq lazımdır. Qanamanın uzun müddət dayanmadığı hallarda narahat olmalısınız. Sürətli qan itkisi anemiyaya səbəb ola bilər",-deyə həkim bildirib.

Cərrahın sözlərinə görə, anemiyada yorğunluq, başgicəllənmə halları baş verir, dəri solğunlaşır və şüur çaşqın olur, həmçinin nəbz arta, döş qəfəsində ağrılar görünə bilər.

Leyla SƏMƏNDƏR
Missiya.Az