Dünyanın hər yerindən peşəkar jurnalistlər, fotojurnalistlər və mətbuat assosiasiyaları ispan və fələstinli jurnalistlərin təşəbbüsü ilə “Qəzzada atəşkəs, İsrail və Fələstindən reportajların verilməsi hüququnun təminatı” üçün petisiya kampaniyasına başlayıb. 

Missiya.Az xəbər verir ki, bu barədə "Anadolu Agentliyi" məlumat yayıb. 

Dünyanın müxtəlif yerlərindən mindən çox jurnalist və 45-ə yaxın mətbuat birliyi artıq "#DerechoAinfomarPalestinaIsrael" adı ilə onlayn olaraq başladılan və noyabrın 22-də Madriddə keçiriləcək mətbuat konfransında təbliğ ediləcək kampaniyaya imza atıb. 

Fələstinli və ispan jurnalistlərin təşəbbüsü ilə həyata keçirilən kampaniyada “Qəzzada bombardmanların dərhal dayandırılması və atəşkəs” çağırışı edilib.

Sərhədsiz Reportyorlar təşkilatı və İspaniya Jurnalistlər Birlikləri Federasiyası da daxil olmaqla mətbuat birliklərinin birgə bəyanatında deyilir: “Jurnalistlər insan hüquqlarını müdafiə etməkdə qərarlı olduqları üçün beynəlxalq humanitar hüquqa hörmət edilməsini və bombardmanlara dərhal son qoyulmasını tələb edirik". 

Leyla SƏMƏNDƏR

Missiya.Az