"Telekanallarda olan müəyyən verilişlərin bəsitliyini görəndə məyus oluram". 

Missiya.Az xəbər verir ki, bunu müğənni Nazim Pişiyari "Gün işığında" proqramında deyib. 

Nazim sosial verilişləri tənqid edərək "Bu bəsitlik gəlib verilişlərə çıxıb. Sosial mövzulu verilişdə bir-birini təhiq edirlər. Nə olsun səsi bağlayırsınız, görüntüyə baxırıq axı. Nələr olur. Bəzən şəhərdə sorğu edirlər, camaat deyir ki, yerli kanallara baxmırıq. Onları eşidəndə ürəyim ağrıyır. Xaricə gedəndə birinci işim hoteldə televizoru açmaq olur. Eləcə də xaricdən Bakıya gələn turist bunu edir. Telekanallardakı işıq sönük, görüntü pisdir. Turist elə bilir ki, paytaxta yox, əyalətə gəlib",-deyə əlavə edib.

 O həmçinin küçədə rastlaşdığı hallardan da danışıb:

"20 Yanvar" dairəsindən keçəndə elə bilirəm cəhənnəmdən keçirəm. Orada o qədər söyüş, pis sözlər eşidirəm. Məcburam pəncərələri bağlayım ki, eşitməyək".

Leyla SƏMƏNDƏR
Missiya.Az