"Bavariya" Fələstinə verdiyi dəstəyə görə mərakeşli müdafiəçi Nossair Mazraouini cəzalandırmadı.
Missiya.Az "İz.ru" nəşrinə istinadən xəbər verir ki, bu barədə komandanın mətbuat xidməti məlumat yayıb.
"Mazraoui bizi inandırıcı şəkildə əmin etdi ki, sülhsevər bir insan olaraq terroru və müharibəni qəti şəkildə rədd edir və heç vaxt öz postları ilə kimisə qıcıqlandırmaq niyyəti güdmür", - deyə məlumatda bildirilib.
"Qazeta.Ru"da isə qeyd olunub ki, müdafiəçi öz sosial şəbəkələrində Mərakeş və Fələstinin bayraqlarını yerləşdirib və “Biz birlikdə güclüyük” yazıb. Sözügedən müzakirələr də elə bu səbəbdən yaranıb.
"Bavariya" nifrət və zorakılığın qızışdırılmasına qarşı olduğunu, həmçinin İsraili və Almaniyadakı yəhudi icmasını dəstəklədiyini ifadə edib. O da əlavə edilib ki, Mazraoui komandada qalacaq, lakin zədə aldığından yaxın vaxtlarda meydana çıxmayacaq.
Xatırladaq ki, oktyabrın 19-da Avropa Futbol Assosiasiyaları İttifaqı (UEFA) İsraildə keçiriləcək oyunları növbəti xəbərdarlığa qədər ləğv etmişdi.
Zərintac Mayisqızı
Missiya.Az
