Türkmənistan və Azərbaycanı ortaq tarix, dil, din və adət-ənənələr birləşdirir. Etnik, dərin tarixi köklərlə bir-birinə bağlı olan ölkələrimiz arasındakı əlaqələr strateji tərəfdaşlığa əsaslanır.

Missiya.Az xəbər verir ki, bu fikirləri əmək və əhalinin sosial müdafiə naziri Sahil Babayev Türkmənistanın müstəqilliyinin 32-ci ildönümü münasibətilə oktyabrın 12-də Bakıda keçirilən tədbirdə səsləndirib.

Ölkələrimizin sülh və sabitliyin tərəfdarı olduqlarını vurğulayan nazir əməkdaşlıq əlaqələrinin dərinləşməkdə olduğunu qeyd edib.

Vurğulayıb ki, bunda hər iki ölkə rəhbərinin qarşılıqlı səfərləri, qarşılıqlı etimad böyük rol oynayır.

Sahil Babayev Azərbaycan ilə Türkmənistan arasında ticarət dövriyyəsinin 3 dəfəyə yaxın artdığını diqqətə çatdırıb.

Deyib ki, iki ölkə beynəlxalq təşkilatlar çərçivəsində də uğurla əməkdaşlıq edir və bir-birini dəstəkləyir.