İsrailin hərbi-siyasi kabineti ölkənin “müharibə vəziyyətinə” daxil olduğunu rəsmən  elan edib.

Missiya.Az  “The Times of Israel”ə istinadən xəbər verir ki, bu barədə İsrailin baş naziri Benyamin Netanyahunun ofisinin bəyanatında deyilir.

Qeyd olunur ki, hökumət qanununun 40-cı bəndinin tətbiqi təsdiqlənib - bu, müharibə vəziyyətinin elan edilməsi prosedurunu tənzimləyir. Sonuncu dəfə bu bənd 50 il əvvəl, 1973-cü ildə Ərəb-İsrail Yom Kippur müharibəsi zamanı qüvvəyə minib.

Oktyabrın 7-də səhər saatlarında İfələstinli radikallarİsrail ərazisinə raket zərbələri endiriblər. Buna cavab olaraq İsrail Müdafiə Qüvvələri Qəzzada hərbi əməliyyata başlayıb.Hücuma cavab olaraq İsrailin baş naziri Benyamin Netanyahu ölkənin terrorçulardan təmizlənməsini əmr edib və “HƏMAS-ın heç vaxt görmədiyi müharibə” elan edib.

Qeyd edək ki, HƏMAS terrorçuları İsrailin mülki obyektlərini hədəfə alır. Yayılan videolardan da görünür ki, terrorçular əsir götürdükləri mülki insanlarla xüsusi amansızlıqla davranırlar.

Elcan

Missiya.Az