Azərbaycan höküməti Qarabağ erməniləri üçün humanitar yardımın göndərilməsinə dair vacib addımlar atıb.

Missiya.Az Report-a istinadən xəbər verir ki, bu barədə Türkiyə Prezidenti Rəcəb Tayyib Ərdoğan Nazirlər Kabinetinin iclasından sonra açıqlamasında bildirib.

O qeyd edib ki, illər boyu münaqişənin həll olunmamasından istifadə edən bəzi dövlətlərin iddiaları iftiradan ibarətdir.

“Ermənistanın xaincəsinə və diasporadan gələn bu kimi təxribatlara yönəlməməsi lazımdır. Erməni xalqının rifahı və hüzuru qonşu xalqlarla davadan deyil, sülh və əməkdaşlıqdan keçir. Türkiyə bölgədə daimi sülhün bərqərar olması üçün üzərinə düşəni edəcək. İnşallah qısa zamanda Naxçıvan vasitəsi ilə Zəngəzur dəhlizini həyata keçirəcəyik. Qonşumuz İranla da daxil olacaq ortaq layihələrlə bölgəmizi sülh hövzəsinə çevirmək istəyirik”.