“ABŞ Qarabağ məsələsində Rusiya ilə dialoq apara bilməz”.

Missiya.Az xarici KİV-nə istinadən xəbər verir ki, bunu ABŞ-ın ATƏT-dəki nümayəndəsi Maykl Karpenter deyib.

“Rusiyanın Ukraynaya qarşı müharibəsi Moskvanın iştirak etdiyi çoxsaylı formatlara təsir edib. Çünki Moskva beynəlxalq sistemin normalarını o dərəcədə pozub ki, onunla əməkdaşlıq yollarını tapmaq çətindir. Lakin eyni zamanda ABŞ Azərbaycanla Ermənistan arasında münasibətlərin, sərhədlərin həllinə, ədalətli və davamlı sülh axtarışına diqqət yetirib. Məhz buna görə də biz Azərbaycan və Ermənistanla ikitərəfli və üçtərəfli görüşlərdə iştirak edirik və Avropa İttifaqının, xüsusən də Aİ Şurasının prezidenti Şarl Mişelin səylərini dəstəkləyirik”, - deyə siyasətçi vurğulayıb.

Onun sözlərinə görə, heç kimə sirr deyil ki, ruslar tərəfləri müzakirələrə dəvət edirlər və onların həmin bölgədə sülhməramlı qüvvələri var:

“Hazırda biz rusların hərəkətləri ətrafında dialoq apara bilmərik. Moskva görüşlərində iştirak etmək istəyib-istəməyəcəyinə isə tərəflər özləri qərar verirlər”,- deyə Karpenter bildirib.

Daşqın Həsənov
Missiya.Az