“Azərbaycan Respublikasında mənzil fondunun özəlləşdirilməsi haqqında” Qanunun 14-cü maddəsində birbaşa göstərilir ki, dövlət mənzil-istismar və təmir-tikinti təşkilatları özəlləşdirilmiş mənzillərin mülkiyyətçilərinə ancaq müqavilə əsasında xidmət göstərə bilərlər. Əgər belə müqavilə yoxdursa, mənzil-istismar təsərrüfatlarının əhalidən pul yığmaq ixtiyarı yoxdur. İcra hakimiyyətinin bu qurumları qanunsuzluq edərək hələ də əhalidən pul yığırlar. Vətəndaşların hüququ var ki, MİS-lərə hər hansı haqq ödəməsinlər. Belə ki, 2009-cu ildə qüvvəyə minən Azərbaycan Respublikasının Mənzil Məcəlləsi ilə mənzil-istismar təsərrüfatları mənzil fondunun idarə edilməsi prosesindən hüquqi baxımdan kənarlaşdırılıb”.

Missiya.Az xəbər verir ki, bu sözləri  tanınmış vəkil Turan Abdullazadə deyib.

Sakinlər bildirirlər ki, “JEK”lər faktiki olaraq reketliklə məşğuldurlar. Çünki qanunla nəzərdə tutulmayan ödənişlər tələb edirlər.

Elcan
Missiya.Az