“Moskva əmindir ki, NATO-nun müdaxiləsi Cənubi Qafqazda nizamlanmanı uzun müddət ləngidəcək və sabitliyin pozulmasına gətirib çıxaracaq”.

 Missiya.Az xarici KİV-nə istinadən xəbər verir ki, bunu Rusiya Xarici İşlər Nazirliyinin sözçüsü Mariya Zaxarova deyib.

“Ermənistan rəsmiləri ilə Pentaqon arasında təmas məsələsinə gəlincə, görürük ki, NATO ölkələri, o cümlədən ABŞ və Türkiyə Cənubi Qafqaza böyük maraq göstərir. Əminik ki, alyansın regionun işlərinə qarışması sabitliyin pozulmasına gətirib çıxaracaq və tam sülh yolu ilə həllini uzun müddət ləngidəcək”, - deyə siyasətçi bildirib.

Zaxarova qeyd edib ki, nə Brüssel, nə də Vaşinqton onların vasitəçiliyi baxımından Cənubi Qafqaz regionunda sabitliyə gətirib çıxaracaq heç bir nəticə yoxdur.

Daşqın Həsənov
Missiya.Az