Mayın 13-də Türkiyədə keçiriləcək seçkilərə bir gün qalmış çevrilişlə bağlı Milli Kəşfiyyat Xidmətinə (MİT) məlumat daxil olub.

Missiya.Az xəbər verir ki, bu barədə “Yeni Şafak” qəzeti məlumat yayıb.

Məlumata görə, mayın 13-də adı gizli saxlanılan Dəniz Piyadaları Korpusunun mayoru MİT-in Çanaqqala bölgəsindəki idarəsinə gedərək, dövlət çevrilişinə cəhdin baş verdiyini bildirib. 

Bildirilir ki, bu hadisədən dərhal sonra MİT, Milli Müdafiə Nazirliyi, Baş Qərargah və prezident administrasiyası xəbərdar edilib.

“Lakin tezliklə ekspertizalar tərəfindən ifadəsi alınan mayorun yalan dediyi məlum olub və onun psixi sağlamlığı ilə bağlı şübhələr yaranıb. Bununla belə, hərbi baza və birləşmələrdə ehtiyat tədbirləri mayın 28-dək davam edib”, - deyə məlumatda vurğulanıb.

Daşqın Həsənov
Missiya.Az