Missiya.Az "Report"a istinadən xəbər verir ki, bunu “Formula 1” üzrə dünya çempionatında çıxış edən “Aston Martin” komandasının direktoru Mayk Krak mövsümün dördüncü mərhələsi barədə danışarkən deyib.

O bildirib ki, ilk dəfə Bakıda təşkil olunacaq sprint yarışının riski böyükdür: “Çünki bolidiniz ciddi zərbə alsa, təmir etmək üçün kifayət qədər vaxtınız olmayacaq. Sprintin etəsi günü əsas yarış olacağından, təmirə cəmi 3-4 saat ayrılacaq. Ancaq yenə də vəziyyət hamı üçün eynidir. Bakıda rəqibi ötmək o qədər də çətin deyil. Döngələrdə risk etsəniz, daha yüksək qəza riski yaranar”.

Qeyd edək ki, Azərbaycan Qran Prisi 28-30 aprel tarixlərində keçiriləcək. Ayın 29-da sprint yarışı təşkil olunacaq.