İran hökumətinin ETTELAAT (Kəşfiyyat və Təhlükəsizlik) naziri İsmayıl Xətib rəsmi tədbirə tərliklə qatılıb.

Missiya.Az “Azad İran”a istinadən xəbər verir ki, molla-nazir hökumət rəsmilərinin ümumölkə konfransında qeyri-rəsmi geyimlə (tərliklə) iştirakını əks etdirən fotolar sosial şəbəkə istifadəçilərinin diqqətini cəlb edib. İran prezidenti İbrahim Rəisinin də iştirak etdiyi tədbir orta əsrlər dövrünü xatırladıb desək yanılmarıq.

Qadınları örtüyə və digər geridə qalmış qanunlara riayət etməyə məcbur edən molla rejiminin rəsmiləri biabırçı addımları ilə özlərini yenə də gülünc vəziyyətə salıblar. Din pərdəsi altında cinayətkar əməllər törətməkdə davam edən İran mollaları sosial şəbəkə istifadəçiləri tərəfindən məsxərəyə qoyulublar. Qeyd edək ki, fars-molla rejiminin rəsmiləri əvvəllər də oxşar səbəbdən qalmaqala səbəb olublar.

Ötən ilin yanvarında İranın neft naziri Cavad Oucinin rəsmi iclasda kostyum və tərlik geyinmiş halda fotosu müzakirələrə səbəb olmuşdu.

Leyla Səməndər
Missiya.Az