Türkiyə prezidenti Rəcəb Tayyib Ərdoğan NATO liderlərinə “NATO terrorun bütün formaları ilə mübarizə öhdəliyi götürməlidir” başlıqlı videoçarx nümayiş edib.

Missiya.Az haberglobal.com-a istinadən xəbər verir ki, Ərdoğan bu videoçarxı İspaniyanın paytaxtı Madriddə NATO-nun Dövlət və Hökumət Başçıları Zirvəsi çərçivəsində baş tutan “terrorla mübarizə” sessiyasında göstərib.

PKK/YPG, DEAŞ və FETÖ terror təşkilatlarının Türkiyədə həyata keçirdiyi hücumların yer aldığı görüntülərdə  ölkənin bütün terror təşkilatlarına qarşı qətiyyətli mübarizəsi diqqətə çatdırılıb.

Həmçinin, sessiyada NATO-nun baş katibi Yens Stoltenberq da: “Anlamalıyıq və nəzərə almalıyıq ki, heç bir NATO müttəfiqi Türkiyə qədər terror hücumlarına məruz qalmamışdır”-deyə, bildirib.

Qeyd edək ki, son 40 ildə Türkiyə PKK-nın daxili terror təhlükəsini darmadağın edib. Suriyada DAİŞ üzərində qələbə qazanıb. Habelə, FETÖ-nün 15 iyulda təşkil etdiyi çevriliş cəhdi də boşa çıxıb.  Ölkənin təhlükəsizliyini və sabitliyini təmin etmək üçün milyardlarla dollar ayırıb, terrorla mübarizədə çox böyük işlər görüb.