Qərbi Avstraliyanın Perron Nevrologiya və Tərcümə Elmləri İnstitutunun və Merdok Universitetinin alimləri Parkinson xəstəliyinin müalicəsi üçün yeni üsullar tapıblar. Bunun üçün xəstələrdə sinir hüceyrələrinin degenerasiyasına səbəb olan genetik proseslərə diqqət yetirməyi təklif edirlər. 

Missiya.az xəbər verir ki, tədqiqatın nəticələrini əks etdirən məqalə Experimental Biology and Medicine jurnalında dərc olunub.

Mütəxəssislər işin gedişində DNT ardıcıllığına təsir edən intronları təhlil edib və onların Parkinson xəstəliyinin inkişafına təsirini aşkar ediblər.

Məlum oldu ki, onlar xəstəliyin baş verməsi və inkişaf riskinin göstəriciləri ola bilər.

Əvvəlki tədqiqatlar insan genomunun iki faizini təşkil edən və zülal məlumatlarının kodlaşdırılmasından məsul olan ekzonlara diqqət yetirirdi.

Neyrodegenerativ xəstəliyin inkişaf riskinin əsas hissəsi ekzonların harada, nə vaxt və necə istehsal olunduğunu müəyyən edən qalan 98 faizdə cəmləşmişdir. Alimlər hesab edirlər ki, onların kəşfi Parkinson xəstəliyinin yeni terapiya, diaqnostika və profilaktika üsullarının formalaşmasına imkan verəcək.

İyun ayında Almaniyanın Kiel Universitetinin həkimləri qanda zülal dəyişikliklərinin təhlili əsasında Parkinson xəstəliyini aşkarlaya bilən yeni üsul təklif ediblər.

Zərintac Mayisqızı
Missiya.Az