“İran Azərbaycanla Ermənistan arasında sülh sazişinin imzalanmasını dəstəkləyir və bu prosesin sürətləndirilməsinin vacibliyini vurğulayır”. 

Missiya.Az xəbər verir ki, bunu İran Xarici İşlər Nazirliyinin sözçüsü İsmayıl Bəqai mətbuat konfransında deyib.

Onun sözlərinə görə, İranın Cənubi Qafqazla bağlı mövqeyi dəyişməyib və bu yanaşma iki əsas istiqamətə - sülh və tranzit məsələlərinə əsaslanır. 

Bəqai qeyd edib ki, İran daim Azərbaycan və Ermənistan arasında mübahisələrin sülh yolu ilə həllinin tərəfdarı olub və bu məqsədlə sülh sazişinin imzalanmasının zəruriliyini önə çəkib. 

O, əlavə edib ki, Tehran regional nəqliyyat və tranzit marşrutlarının yaradılması və inkişafını dəstəkləyir.

Bəqai bildirib ki, Cənubi Qafqazda son proseslərdə regiondankənar aktorların iştirakına dair yayılan məlumatlar narahatlıq doğurur və İran bu müdaxilələri regionun təhlükəsizlik və inkişaf maraqlarına zidd hesab edir. 

Daşqın Həsənov
Missiya.Az