b_550_325_16777215_00_images_xeber_sekilleri_22fevral2019__ROM9125.jpg

Humanizm dövlət siyasətində var və olacaq, humanizm qanun-qaydaya riayət edən cəmiyyətlərin xüsusiyyətidir. Humanizm birtərəfli yol deyil, borcların ödənilməsində kömək kimi addımlar atılır, müqabilində vətəndaş, vergi ödəyicisi tərəfindən bundan sonra qanuna tam riayət etmək gözlənilir və bu, təmin edilməlidir. 

Missiya.Az xəbər verir ki, bu sözləri Vergilər naziri Mikayıl Cabbarov deyib. 

O, Vergilər Nazirliyi tərəfindən özfəaliyyətin həyata keçirilməsində qanunun tələblərinin aliliyinin əsas tutulmalı olduğunu qeyd edib. 

“Biz bu sahədə özümüzdən - Vergilər Nazirliyində olan çətinliklərdən, problemlərdən başlamışıq. Son il yarım ərzində bir çox işçilərlə yollarımızı ayırmışıq.

Xoş xəbər ondan ibarətdir ki, Vergilər Nazirliyinin işçilərinin əksəriyyəti layiqli dövlət qulluqçusu, peşə və vəzifələrini ləqayətlə həyata keçirən insanlardır. 

Gələcəkdə də həmişə daxildən başlayacağıq. Bu, bəlkə də, xoş səslənmir, lakin bu müddət ərzində Vergilər Nazirliyində çalışan 15 əməkdaşın əmək müqavilələrini yalnız dayandırmamışıq, onların fəaliyyətinin müvafiq hüquq-mühafizə orqanları tərəfindən araşdırılması üçün təqdim etmişik.

Çünki daxili təmizlənmə prosesləri olmasa, vergi ödəyicisinə “qanuna riayət et, qanunla yaşa, dünənki əyri yollardan əl çək” kimi mesajlarımız inandırıcı olmaz, lazımi effekti verməz”.

Növbəti addımlara gəldikdə isə, nazir qarşıdakı strateji məqsədləri iki istiqamətə bölüb. 

“Birincisi ondan ibarətdir ki, qanunvericilikdəki bir çox dəyişikliklər Vergi İnzibatçılığının təkmilləşdirilməsini tələb edir. Yerlərdə çalışan müfəttişlərimiz, yerli vergi orqanlarımız qanunvericiliyin yeni tələblərinə uyğun olaraq fəaliyyətlərini qurmalıdır. 

Digər strateji istiqamət vergi ödəyicilərinin yeni reallığı qəbul etməsini, yeni vergi çərçivəsini birtərəfli yol kimi deyil, bunun müqabilində sizdən qanuna uyğun olaraq fəaliyyət göstərmək gözlənildiyini başa düşməkdir.

Obyektiv çətinliklərlə rastlaşırsınızsa, Vergilər Nazirliyi sizin birinci dostunuz, birinci ünvanınızdır. Müvafiq xidmət təqdim etmək bizim borcumuzdur. Lakin qanuna riayət etməyən, vergidən yayınma ilə məşğul olan vergi ödəyiciləri üçün təbii olaraq nəzərdə tutulan bütün sanksiyalar tətbiq ediləcək. 

Bu, davamlı işdir, bir günə, bir aya başa çatmayacaq. Amma hansı yola çıxdığımızı bilirik, tam əminliklə deyə bilərəm ki, bu yolu uğurla başa çatdırmaq üçün nazirliyin həm peşəkarlığı, həm də iradəsi mövcuddur. Bilirəm ki, bu yolda tək deyilik, əksər vergi ödəyiciləri məhz bu prinsiplə yaşamaq istəyir, ona görə biz birlikdə bütün hədəflərə nail olacayıq”.



04 May 2020 Bu şəxslərə şad xəbər: İnternet pulsuz ola bilər - RƏSMİ
04 May 2020 ƏDV-nizi belə geri ala bilərsiniz - QAYDALAR
28 Aprel 2020 Nazirlikdən işsizlərə ŞAD XƏBƏR: Daha 50 min...
27 Aprel 2020 Bu bankların bütün səlahiyyətləri alındı - Rəsmi açıqlama
24 Aprel 2020 Prezident İlham Əliyev açılış etdi - FOTOLAR
22 Aprel 2020 Neftin qiyməti 16 dollara düşdü
21 Aprel 2020 SON DƏQİQƏ! Neft və qazın yeni qiyməti açıqlandı
05 Aprel 2020 Azərbaycanın koronavirusla mübarizə büdcəsi 3 milyarda çatır
03 Aprel 2020 Azərbaycan neftinin qiyməti 22% yüksəlib
02 Aprel 2020 Koronavirusa görə ödəmələr bu həftə başlaya bilər - ŞAD XƏBƏR
19 Mart 2020 Prezidentdən manatla bağlı VACİB SƏRƏNCAM
11 Mart 2020 Baş bankir dollarla bağlı əhaliyə müraciət etdi
09 Mart 2020 Dünya bazarında neftin qiyməti kəskin ucuzlaşıb
02 Mart 2020 Nazirlər Kabineti bu yanacağı gömrük rüsumundan azad etdi
11 Fevral 2020 Bakıda möhtəşəm asma körpü tikilir - FOTO
05 Fevral 2020 Azərbaycan bu məhsulları Çindən alır - SİYAHI
03 Fevral 2020 DİQQƏT! Alış-veriş edən vətəndaşlara pul qaytarılacaq - VİDEO
29 Yanvar 2020 “Honda” ve “Toyota” şirkətləri fəaliyyətini dayandırdı
23 Yanvar 2020 Xanlar Fətiyev Azərbaycanda avtobus istehsalından danışıb - FOTO
16 Yanvar 2020 Mərkəzi Bankın strukturu dəyişdi