b_550_325_16777215_00_images_xeber_sekilleri_27iyun2018_big_1500022206_taxi.jpeg

Mais Ağayev: “Bizim işimiz maşına ancaq fərqlənmə nişanı verməkdir”

Erməni əsilli Tiqran Xudaverdiyana məxsus “Yandeks” taksi şirkətinin yenidən Bakıda “Uber taksi” firması ilə əməkdaşlığa başlaması ilə bağlı məlumatlar yayılıb.

Məsələ ilə bağlı hələ ötən il məlumat yayılmışdı. Bildirilmişdi ki, milliyyətcə erməni olan Tiqran Xudaverdiyanın başçılıq etdiyi “Yandeks.Taksi” şirkəti Azərbaycanda nümayəndəliyini yaradır. Məlumatlarda qeyd olunmuşdu ki, Rusiyada qeydiyyata alınmış “Yandeks.Taksi” şirkəti Azərbaycanda “Yandeks Azerbaijan” adı altında fəaliyyət göstərəcək.  Həmin ərəfədə də mətbuatda məlumatlar yayıldı və ictimaiyyətdə qınaq yarandı. Nəticədə şirkətin Azərbaycanda fəaliyyətə başlaması yubandı.  “Yandex.Taksi”nin yaradıcısı və sahibi Tiqran Xudaverdyan millətçi kimi tanınır. 

Bizimyol.az saytı  hələ ötən il yazıb ki, bu şirkət fəaliyyətdə olduğu ölkələrin xəritəsindəki adları həmin ölkənin ana dilində təqdim edəcəyini elan edib. Lakin Azərbaycanın  tərtib olunmuş xəritəsində bu qaydaya əməl olunmayıb. Saytın yazmasına görə, şəhər və rayonlarımızdan yalnız bir neçəsinin adı öz dilimizdə qeyd olunub. O da rus dilində yazılmış formanın altında. Əksər rayonlarımızın adı isə ancaq rus dilində yazılıb. Amma Ermənistanın xəritəsində istisnasız olaraq bütün rayonların adı erməni dilində verilib. Bundan başqa, T.Xudaverdyanın komandası Bakıdakı bəzi memarlıq abidələrinin üzərinə xaç işarəsi qoyaraq həmin tikililəri erməni kilsəsi kimi təqdim edib (ən əsas məqam isə işğal olunmuş rayonlarımızla bağlıdır. Belə ki, “Yandex.Taksi”nin yaradıcıları, məsələn, Ağdamı “Akna”, Xocalını “İvanyan”, Şuşanı “Şuşi”, Füzulini “Varanda” kimi göstəriblər).

Məsələ ilə bağlı rəsmi məlumat almaq üçün Bakı Nəqliyyat Agentliyi ilə də əlaqə saxladıq. BNA-nın mətbuat xidmətinin rəhbəri Mais Ağayev “Yeni Müsavat”a bildirdi ki, bu məsələ ilə bağlı hələ ilin əvvəlində mövqe bildiriblər: “Bizim işimiz maşına ancaq fərqlənmə nişanı verməkdir. İstər ”Uber" olsun, istərsə də başqa bir taksi xidməti, bunların özlərinin nəqliyyat vasitələri yoxdur. Sadəcə olaraq, bu şirkətlər maklerliklə məşğuldurlar. Biz də fərqlənmə nişanı verən zaman sürücüdən soruşmuruq ki, bu maşını hansı şirkət üçün taksi kimi sürəcək. Yəni belə bir tələb yoxdur. Bizim əməkdaşlar gündəlik taksi sürücüləri ilə görüşən zaman, sadəcə olaraq, vətəndaşlıq baxımından tövsiyə edirik ki, fərqlənmə almısan, qanuni taksi fəaliyyəti ilə məşğulsan. Ancaq sənin əmək kitabçanda “Uber” şirkəti yazılır.

Deməli, sənin qazancından erməninin cibinə pul gedir. Ancaq “Uber”in, “Yandeks”in ölkədə fəaliyyətinin qadağan olunması bizim fəaliyyətimizə daxil olan məsələ deyil. İnsanlarımız da başa düşməlidirlər ki, bu vəsaitlər erməninin cibinə axır. Ona görə də “Uber”dən istifadə etməli deyillər.  Ölkəmizin milli maraqları, xalqımızın milli mənafeyinin qorunması BNA və onun hər bir əməkdaşının gündəlik fəaliyyətinin əsasını təşkil edir. Qeyd edildiyi kimi, adıçəkilən şirkətin Ermənistan vətəndaşı və ya erməni əsilli digər bir ölkə vətəndaşı ilə, fərq etməz, birbaşa və yaxud dolayı yolla əlaqəsi varsa, o zaman Bakı Nəqliyyat Agentliyi həmin şirkətlə əməkdaşlıq edən taksi sürücülərinə fərqlənmə nişanının verilməsini dayandıracaq".

Məsələ ilə bağlı münasibət almaq üçün Nəqliyyat, Rabitə və Yüksək Texnologiyalar Nazirliyi ilə də əlaqə saxladıq. Nazirlikdən bildirildi ki, yayılan məlumat araşdırılacaq və daha sonra ictimaiyyətə məlumat veriləcək.



13 İyul 2020 Azərbaycanın güclü ordusu var - QHT SƏDRİ
13 İyul 2020 Rəhim Qazıyev DTX tərəfindən saxlanılıb və barəsində cinayət işi başlanılıb - RƏSMİ
12 İyul 2020 Bu gün verdiyimiz şəhidlərin adları bilindi: Yaralılardan biri vəfat etdi - RƏSMİ
11 İyul 2020 Baş Nazir bağlanmış banklarla bağlı Konstitusiya Məhkəməsinə sorğu göndərdi
11 İyul 2020 Bakı Nəqliyyat Agentliyinin səlahiyyətləri artırıldı
10 İyul 2020 BDU-i və Yasamal Rayon İH-i onlayn tədbir keçirib - FOTOLAR
10 İyul 2020 Siyəzəndə SMS icazə olmadan küçəyə çıxanlar cəzalandırıldı - FOTO
10 İyul 2020 Vilayət Eyvazovdan yeni əmr
09 İyul 2020 Azərbaycanda saxta arayış verən xəstəxananın vəzifəli şəxsləri ilə bağlı cinayət işi açıldı - RƏSMİ
09 İyul 2020 “XXI Əsrin Qadınları” insan alverinə qarşı layihənin icrasına başlayr
09 İyul 2020 Koronavirusa görə Azərbaycanın bu rayonuna giriş-çıxış məhdudlaşdırıldı - FOTO
09 İyul 2020 Vilayət Eyvazovdan yeni təyinat
08 İyul 2020 Daha iki rayonda sərtləşdirilmiş xüsusi karantin rejimi tətbiq olunacaq - RƏSMİ
08 İyul 2020 Azərbaycanda daha doqquz nəfər koronavirusdan öldü, 542 yeni yoluxma
08 İyul 2020 Azərbaycanda yas mərasimi yarımçıq dayandırıldı - FOTO
07 İyul 2020 Bakıda maşını 180 km sürətlə sürən qadın saxlanıldı
07 İyul 2020 Azərbaycanda baş həkim COVID-19-a yoluxub
07 İyul 2020 Azərbaycanda polkovnik-leytenant vəfat etdi - FOTO
07 İyul 2020 Azərbaycanda daha bir telekanalın əməkdaşları koronavirusa yoluxdu
06 İyul 2020 BDU alimləri “HORİZON 2020” üzrə beynəlxalq qrant müsabiqəsinin qalibi olublar