c2c870b1a100bf5cbd8da8bd168b0aea.gif
Bu gün Azərbaycan milli mətbuatının yaranmasından 144 il ötür

Missiya.Az xəbər verir ki, ölkədə ilk mətbu orqanın – əsası Həsən bəy Zərdabi tərəfindən qoyulmuş “Əkinçi” qəzetinin nəşrə başladığı 22 iyul tarixi 1991-ci ildən Azərbaycanda Milli Mətbuat günü kimi qeyd olunur.

“Əkinçi”nin 1875-ci il iyulun 22-dən 1877-ci ilin sentyabrınadək cəmi 56 sayı işıq üzü görsə də, onun Azərbaycan milli mətbuatının təşəkkül tapmasında, inkişafında əvəzsiz rolu olub. Əsasən maarifçilik missiyasını üzərinə götürmüş “Əkinçi” az müddətdə həm ziyalı təbəqə, həm də sadə insanlar arasında çox məşhurlaşıb. Təsadüfi deyil ki, dövrünün görkəmli ziyalıları və qələm sahibləri qəzetlə əməkdaşlıq edib, müntəzəm məqalələrlə çıxış edibilər. Lakin “Əkinçi”nin ömrü uzun sürməyib. Çar Rusiyası qəzetin insanların maariflənməsində, ictimai-siyasi proseslərə daha yaxından bələd olmasındakı rolundan çəkinməyə başlayıb və sonda qəzetin nəşrini dayandırıb.

O vaxtdan müxtəlif tənəzzül və intibah dövrləri keçən Azərbaycan mətbuatı daim cəmiyyətin proseslərə baxışını əks etdirən güzgü rolunu oynayıb. 1998-ci ilin avqustunda senzuranın ləğvi isə Azərbaycanda mətbuatın inkişafına ciddi təkan verib.

Hazırda respublikada çoxlu sayda müxtəlif qəzet və jurnallar nəşr olunur, internet qəzetçilik inkişaf edir. Müasir dövrdə informasiya texnologiyalarının inkişafı Azərbaycan mətbuatını qlobal informasiya şəbəkəsinin bir hissəsinə çevirib. Bütün dünyada gedən qloballaşma prosesi mətbuatdan da yan ötməyib. Bu gün yüzlərlə jurnalist beynəlxalq təşkilatların dəstəyi ilə təşkil olunan peşə artımı kurslarında treninq və təkmilləşmə kursları keçirlər.

Azərbaycanda Mətbuat Şurasının formalaşması media sahəsində pərakəndəliyi aradan qaldırmağa müvəffəq olub, Jurnalistlərin Peşə Kodeksinin yaradılması isə media qurumları arasında problemlərin həllinə müsbət təsir göstərib.

Azərbaycan Prezidenti Heydər Əliyevin 1998-ci il 16 avqust tarixli "Azərbaycan Respublikasında söz, düşüncə və informasiya azadlığının təmin edilməsi tədbirləri haqqında" fərmanı ilə ölkədə kütləvi informasiya vasitələri üzərində senzura ləğv edilib. Bu fərman kütləvi informasiya vasitələrinin sürətli inkişafına ciddi təkan verməklə yanaşı, onların rasionallığının artırılması sahəsində geniş Dövlət Proqramının əsas istiqamətlərini müəyyən edib.

Azərbaycan Prezidenti İlham Əliyevin 2009-cu ilin martın sonunda imzaladığı sərəncamla Prezident yanında Kütləvi İnformasiya Vasitələrinə Dövlət Dəstəyi Fondu yaradılıb. Fondun yaradılmasında məqsəd Azərbaycanda fikir, söz və məlumat azadlığı şəraitini yaxşılaşdırmaq, o cümlədən buna xidmət edən kütləvi informasiya vasitələrinə dövlət dəstəyidir.

Milli mətbuatın yubileylərinin ölkədə geniş qeyd olunması, KİV-lərə birdəfəlik yardımların göstərilməsi, mətbuat işçilərinin sosial müdafiəsinin gücləndirilməsi tədbirləri, həmçinin milli mətbuatın inkişafındakı xidmətlərinə görə jurnalistlərin fəxri adlarla təltif edilməsi haqqında sərəncamlar da mətbuata və mətbuat işçilərinə qayğının tərkib hissəsidir.

Dövlət başçısının Azərbaycan mətbuat işçilərinin sosial müdafiəsinin gücləndirilməsinə dair sərəncamları əsasında jurnalistlər üçün iki yaşayış binası tikilib. 2013-cü və 2017-ci illərdə Prezident İlham Əliyev jurnalistlər üçün tikilmiş binada Milli Mətbuat Günü münasibətilə mənzillərin paylanması mərasimində iştirak edib. Dövlət başçısı 2017-ci ildə mətbuat işçiləri üçün sayca üçüncü yaşayış binasının tikintisi ilə bağlı sərəncam imzalayıb.

Azərbaycan Konstitusiyasında söz və mətbuat azadlığının təməl prinsip olaraq əksini tapması ölkədə medianın azad və güclü bir cəmiyyət institutu kimi formalaşmasına təkan verib. Sözsüz ki, bütün bu proseslərin əsas iştirakçıları, əldə olunan nəticələrin əsas səbəbkarları Azərbaycan jurnalistləridir.

Bu gün peşə bayramını qeyd edən bütün həmkarlarımızı "APA Group" kollektivi adından təbrik edir, fəaliyyətlərində uğurlar diləyirik.

24 Avqust 2019 “Bakıda oturanlara lənət” – Torpağı satanların 6 rayon “yanğısı”
24 Avqust 2019 Abel Məhərrəmovun kürəkəni VƏFAT ETDİ
24 Avqust 2019 Hərbi maşın qəzaya uğradı - 11 yaralı
24 Avqust 2019 Təhsil nazirindən yeni - TƏYİNAT
24 Avqust 2019 Gəncənin məşhur "Butulkalı ev"i təmir edilir - VİDEO
22 Avqust 2019 Bakıda "Taxta bazarı" yanır - VİDEO
22 Avqust 2019 Xətai sakinləri "zibil"ə düşüblər - FOTO\VİDEO
22 Avqust 2019 “Qara qutu” oxundu - MiQ-29-un qəzaya uğrama səbəbi bilindi
21 Avqust 2019 Milli təhlükəsizliyə təhdidlərə qarşı barışmaz olmalıyıq
21 Avqust 2019 Azərbaycanda əməliyyat – 48 nəfər saxlanıldı
21 Avqust 2019 Hərbi pilot Rəşad Atakişiyevlə vida mərasimi başa çatıb - FOTO
21 Avqust 2019 Bakıda toy zamanı işıq söndü - Müğənni oxumağa davam etdi - Maraqlı anlar - VİDEO
20 Avqust 2019 Avtomobil benzini ilə bağlı RƏSMİ MƏLUMAT
20 Avqust 2019 "“Relax” 7 ayda cəmi 70 qəpik vergi ödənişi edib" - AÇIQLAMA
19 Avqust 2019 “İdman Azərbaycan”ın şərhçisi canlı yayımdakı sözünə görə efirdən uzaqlaşdırıldı
19 Avqust 2019 Havanın temperaturu 39 dərəcə olacaq
18 Avqust 2019 "Onların qəhrəmanlığı qarşısında baş əyirəm" - Mehriban Əliyeva
17 Avqust 2019 Rusiya-ABŞ nüvə müharibəsi: Günəşə həsrət qalacağıq
17 Avqust 2019 Polşa Rusiyanı qorxutmaq üsulunu təklif etdi
16 Avqust 2019 İtkin uşaqlar Bərdədə tapıldı - Qaraçı qadın oğurlayıbmış