Son zamanlar vətəndaşlara sosial şəbəkələrdə saxta cəlbedici iş elanları ilə bağlı təkliflər gəlir. 

Missiya.Az xəbər verir ki, xarici ölkələrə məxsus nömrələrdən gələn həvəsləndirici mesajlar əsasən “WhatsApp” platformasından atılır.

Abunəçilərə göndərilən elanların əksəriyyətində “iş sadədir, vaxt məhdudiyyəti yoxdur, yüksək əməkhaqqı” kimi həvəsləndirici ifadələr yer alır. Və işlə bağlı müraciət edənlərdən müəyyən məbləğdə rüsum istənilir.

Məsələ ilə əlaqədar “Bakcell” mobil operatoru abonəçiləri  belə saxtakarlıq halları yaranan zaman diqqətl olamağa çağırıb. 

Müraciətdə deyilir:

“Hörmətli Abunəçi, Azərbaycan Respublikasının təhlükəsizliyinə təhdid yarada biləcək halların qarşısının alınması məqsədilə xarici və yerli mobil nömrələri və sosial şəbəkə hesablarından sizə göndərilən cəlbedici iş elanları barədə daxil olmuş mesajlara və yaradılan əlaqələrə diqqətli olmağınız, şüphəli hallar haqqında AR Dövlət Tühlükəsizliyi Xidmətinin rəsmi internet saytına keçid edərək müraciət etməyiniz xahiş olunur”.

Leyla SƏMƏNDƏR

Missiya.Az