AZ   |   RU
Zelenski evlərini tərk edən ukraynalıların sayını açıqladı

Müharibə səbəbindən 12 milyondan çox ukraynalı evlərini tərk etmək məcburiyyətində qalıb”.

Missiya.Az Ukrayna mediasına istinadən xəbər verir ki, bu barədə Ukrayna Prezidenti Volodimir Zelenski Beynəlxalq Siyasi Araşdırmalar İnstitutunun qlobal siyasət forumunun açılışında çıxışı zamanı bildirib.

“Təəssüf ki, son zamanlar bu gün bizim hamımız üçün, milyonlarla ukraynalı üçün xüsusilə ağrılı oldu. Daha doğrusu, 12 milyondan çox vətəndaşımız üçün. 12 milyondan çox ukraynalı evlərini tərk etmək məcburiyyətində qalıb, onlardan 5 milyondan çoxu xaricə gedib.
Biz ukraynalı miqrantların vətənə qayıtmasını təmin etmək üçün hər şeyi etməliyik. Onların nə qədər olmasından asılı olmayaraq, biz onlara Ukraynaya qayıtmaq üçün həm real imkan, həm də daxili maraq yaratmalıyıq. Biz tarixi presedent yarada bilərik. Biz sübut etdik ki, Ukraynanı sındırmaq olmaz”, - o vurğulayıb.

Eyni zamanda, Zelenski Rusiyanın Ukraynaya qarşı müharibəsi səbəbindən Avropanın son onilliklərin ən böyük miqrasiya böhranını yaşadığına diqqət çəkib:

“Rusiyanın bizə qarşı müharibəsi qlobal ərzaq böhranına səbəb oldu. Ukrayna Afrika, Asiya və Latın Amerikasının onlarla ölkəsinin kritik ehtiyaclarını ödəmək üçün dünya bazarına kifayət qədər ərzaq verə bilər. Bununla belə, Ukrayna ixracı olmadan kəsir yaranır, bunun ardınca xaos yarana bilər: siyasi, iqtisadi və miqrasiya”.

  • 20-06-2022, 21:32