Missiya.Az erməni mediasına istinadən xəbər verir ki, bunu Ermənistanın baş naziri Nikol Paşinyan sosial şəbəkə hesabında yazıb. 

“Beynəlxalq ictimaiyyətin azad, demokratik və rəqabətli kimi qiymətləndirdiyi növbəti növbədənkənar parlament seçkilərində xalq hakim komandaya etimad səsi verdi. Bu həm də xalqın Patriarxal palatalarda olanlara inamsızlığı demək idi", - deyə Paşinyan qeyd edib. 

Baş nazir ötən ay kilsə ətrafında baş verənlərdən də bəhs edib: "2025-ci ilin iyun ayında Eçmiədzinin ana taxtının zəngləri çalınaraq xalqı toplaşmağa çağırdı. Orada olan ruhanilərin və vətəndaşların sayı 1500 nəfəri ötmədi. Bu, Ktriç Nersisyanın (bütün ermənilərin katolikosu II Qareginin dünyəvi adı) Patriarxal palataları tez bir zamanda tərk etməsini şərtləndirən növbəti arqumentdir. Başqa variant yoxdur”, - o əlavə edib.