Məşhur milyarder İlon Mask "Tesla"nın ən yeni elektrik avtomobili üçün qlobal miqyasda məşhur bir tanıtım kampaniyası planlaşdırıb. 

Missiya.Az türk mediasına istinadən xəbər verir ki, reklam kampaniyası üçün iş adamı türkiyəli müğənni Tarkanla çalışmaq istəyib. İddia edilib ki, reklam siması olması üçün Tarkana 1,7 milyard dollar təklif olunub. 

Belə ki, Tarkan tanıtım filmlərində rol almalı, avtomobili dünya turlarında tanıtmalı və sosial media vasitəsilə dəstək verməlidir. Lakin sənətçi bundan imtina edib. Səbəb isə Tesla"nın istehsal proseslərinin ətraf mühitə mənfi təsirləri, xüsusilə, elektrikli avtomobillərin akkumulyatorlarında istifadə edilən litium və kobalt kimi mineralların hasilatı zamanı ətraf mühitin məhv edilməsi və insan hüquqlarının pozulması olub. 

"Pul hər şey deyil. Gələcək nəsillərə təmiz dünya buraxmaq mənim üçün hər cür maddi qazancdan daha vacibdir", - o bildirib.