Bu gün saat 01:00-da bütün ermənilərin katolikosu İrəvana qayıdacaq. 

Missiya.Az erməni mediasına istinadən  xəbər verir ki, bunu sosial şəbəkələrdə “Ermənistan” blokundan olan deputat İşxan Saqatelyan yazıb.

O, vətəndaşları katolikosu qarşılamaq üçün Zvartnots hava limanının VİP salonu qarşısına toplaşmağa çağırıb.

Milli Təhlükəsizlik Xidmətinin keçmiş direktoru, Rodina Partiyasının sədri Artur Vanetsyan da vətəndaşları hava limanının VİP zalı qarşısına toplaşmağa və katolikosu qarşılamağa çağırıb.

"Hakimiyyət xalqımızın dəyərlərinə, birliyinə, inancına və kilsəsinə hücum etməkdə davam edir. Məqsədlərinə çatmaq üçün heç bir qırmızı xətt, üsul seçməkdə məhdudiyyətləri yoxdur. Əgər onlar açıq-aşkar müqavimət görməsələr , istədiklərini edəcəklər. Kilsəmiz aydın şəkildə bilməlidir ki, biz onun tərəfindəyik. Kilsənin düşmənləri də bunu yaxşı bilməlidirlər. Əminəm ki, düzgün təşkil olunmuş müqavimət həm hakimiyyəti, həm də onların növbəti himayədarlarını növbəti is əməllərindən çəkinməyə məcbur edəcək".

Qeyd edək ki, II Qaregin iyunun 8-dən Dubayda səfərdə idi.

Elcan

Missiya.Az