Ermənistanın Baş naziri Nikol Paşinyanın hakimiyyət salonları kölgəli qorxu ilə açıq cəsarət arasında qalıb.

Missiya.Az xəbər verir ki, bu barədə Ermənistanın “Joqovurd” qəzeti yazı dərc edib.

Bildirilib ki, hakim Mülki Müqavilə Partiyası və onun parlament fraksiyasının üzvləri ictimai çıxışlarında Paşinyanın mövqelərinin dəyişməz olduğuna ictimaiyyətə inam yaratmağa çalışsalar da, reallıqda hakimiyyətdə pərdə arxasında gərginlik var.

Qeyd olunub ki, Paşinyanın komanda üzvləri impiçment prosesini ələ salmağa çalışsalar da, eyni zamanda vəziyyətin hər an partlaya biləcəyi ilə bağlı proqnozlar verirlər. Ona görə də bir çoxlarının fikrincə, impiçment prosesi onların masasına qoyulan kağız deyil, həyəcan siqnalıdır.

Məlumata görə, Ermənistan Baş naziri bu mərhələdə kəskin hərəkətlərdən qaçmaq qərarına gəlib və təhlükənin nə qədər dərinləşəcəyini qiymətləndirənə qədər hadisələrin inkişafını gözləyəcək.

Mənbə əlavə edib ki, hakimiyyət hazırda nəinki müxalifətdən, həm də susan cəmiyyətdən qorxur. 

Daşqın Həsənov
Missiya.Az