“Bizim strateji qərarımız sülh gündəliyinə sadiq qalmaqdır və ümid edirəm ki, bugünkü hesabatımda mən beynəlxalq tərəfdaşlarımıza Ermənistan və Azərbaycan arasında sülhün nə qədər sıx olduğunu daha əyani şəkildə göstərə bildim”.

Missiya.Az “NEWS.am”a istinadən xəbər verir ki, bunu Ermənistanın Baş naziri Nikol Paşinyan bu gün İrəvanda slovakiyalı həmkarı Robert Fitso ilə keçirdiyi birgə mətbuat konfransı zamanı deyib.

"Əlbəttə, biz bununla bağlı üzərimizə düşən öhdəliyi tam şəkildə yerinə yetirəcəyik və məmnuniyyətlə demək istəyirəm ki, biz də bu tarixi fürsəti əldən verməmək üçün Azərbaycanla məsləhətləşmələrimizi davam etdiririk. Əminəm ki, bu, fürsət əldən verilməyəcək və biz sülh müqaviləsi layihəsini uğurla başa çatdıra bilmişik. Razılaşdırılmış mətnin imzalanmağa hazır olması, əlbəttə ki, çox mühüm və böyük nailiyyətdir, lakin bu, davam etdirilməli olan bir addımdır”, - deyə siyasətçi vurğulayıb.

Daşqın Həsənov
Missiya.Az