“Biz dövlət və millət olaraq terrorla sınanmışıq və ən ağır şəkildə bu sınaqdan keçmişik”.

Missiya.Az “TRT HABER”ə istinadən xəbər verir ki, bunu Türkiyə Prezidenti Rəcəb Tayyib Ərdoğan Ədalət və İnkişaf Partiyasının (AKP) qurultayında çıxışı zamanı deyib.

O bildirib ki, bunun əvəzini ödədik, dərslərimizi aldıq və nəhayət, bu bəladan tam qurtulmaq nöqtəsinə gəldik:

“Digər tərəfdən, bölgəmizdə baş verən hər bir inkişaf terrorla heç bir yaxşı nəticə əldə etməyin mümkün olmadığını ortaya qoydu. Terror, silah, zorakılıq və qanunsuzluq dövrü artıq başa çatıb. Qanuni və məqbul yollar olduğu halda başqa yol axtarmaq nəinki irrasionaldır, həm də dövrün ruhuna ziddir. Heç kim bunun əksini iddia edə bilməz. İndi bunu birdəfəlik açıq deməliyəm. Təhlükəsiz, əmin-amanlıq və firavanlıq içində yaşamaq ancaq millət olaraq birliyimizi, həmrəyliyimizi gücləndirməklə, öz gələcəyimizə sahib çıxmaqla, öz infrastrukturumuzu qurmaqla, öz yolumuzu cızmaqla mümkündür. Buna nail ola bilməyən ölkələrin və cəmiyyətlərin hansı vəziyyətə düşdüyünü hamımız görürük”, - deyə siyasətçi vurğulayıb.

Daşqın Həsənov
Missiya.Az