Sızanaqlar dəridə fərqli səbəblərdən ortaya çıxa bilir. Zərərli və yağlı qidaların istehlakı, yanlış dəriyə qulluq məhsullarından istifadə, stress və s. amillərdən qaynaqlanır. Sizə lazım olan isə sadə, lakin təsirli təbii üsullardır.

Missiya.Az onları təqdim edir:

Çay ağacı yağı: Antibakterial xüsusiyyətlərə malik təbii yağdır. Suya bir neçə damcı çay ağacı yağı əlavə edib, pambıqdan istifadə edərək dərinizə tətbiq edin.

Aloe vera: İltihab əleyhinədir və sakitləşdirici təsir göstərir. Eyni zamanda sızanaqların sağalma prosesini sürətləndirir. Aloe vera gelindən yararlanmaq üçün təzə geli birbaşa dərinizə çəkin. 30 dəqiqə gözlədikdən sonra dərini yumaq kifayət edər.

Bal: Təbii bir antiseptik və antibakterialdır. Dəridəki sızanaqları da aradan qaldırmağa kömək edir. Öncə dərinizi təmizləyin, sonra təmiz dəriyə balı çəkin və təxminən 20 dəqiqə qurumağa buraxın. Daimi istifadə ilə sözügedən qayda effektiv nəticə verir.

Alma sirkəsi: Alma sirkəsi təbii turşu tərkibi sayəsində dəridəki bakteriyaların yox olmasına dəstək göstərir. Həmin metodu tətbiq etmək yolu belədir - 3 qaşıq suya 1 qaşıq adı çəkilən sirkəni qatın. Sonra pambıqla dərinizə çəkin.



Zərintac Mayisqızı
Missiya.Az