“2020-ci ildə Qarabağda atəşkəs əldə edildikdən sonra İran İsrail-Azərbaycan əməkdaşlığına, Azərbaycan, Türkiyə və Pakistanın iştirak etdiyi hərbi təlimlərə cavab olaraq şimal-qərb sərhədində hərbi manevrlər həyata keçirməyi planlaşdırıb”. 

Missiya.Az xəbər verir ki, bunu iranlı ekspert Vəli Kaleci 9-10 aprel tarixlərində İran-Ermənistan ortaq birgə hərbi təlim keçirməsinə münasibət bildirərkən deyib.

O bildirib ki, Tehran Ankaranın artan özünə inamının Cənubi Qafqaza yayılacağından narahatdır. 

Kaleci iddia edib ki, guya bu, Azərbaycanı Zəngəzur dəhlizinin yaradılması üçün hərbi əməliyyatlara təhrik edə bilər. 

Ekspert qeyd edib ki, hazırda cənubundan hərbi təhdidlərlə üzləşən Tehran üçün Ermənistanla birgə təlimlər onun şimal-qərb sərhədlərinin təhlükəsizliyini laqeyd etməyəcəyi mesajı verir.

Daşqın Həsənov
Missiya.Az