Çiyələk hər kəsin sevdiyi meyvələrdəndir. Ləzzətli olduğu qədər həm də nazlıdır. Çünki onu vaxtında yemədikdə xarab olur. Lakin həmin meyvəni bəzi təbii və olduqca maraqlı üsullarla daha uzun müddə saxlamaq mümkündür.

Missiya.Az sözügedən qaydaları təqdim edir:

1. Sirkəli suda yuyun - Sirkə kif sporlarını öldürərək çiyələklərin daha uzun müddət təzə qalmasına imkan yaradır. Bu metodu  tətbiq etmək üçün 1 stəkan sirkə və 3 stəkan suyu qarışdırın. Çiyələkləri bir qaba qoyaraq 5 dəqiqə suyun içində axlayın. Sonra hərtərəfli yuyun və kağız dəsmal ilə tamamilə qurudun;

2. Soyuducuya qoyun: Soyuducuların tərəvəz bölmələrində nəmlik toplana bilər. Rütubət çiyələklərin tez xarab olmasına səbəb olacaq, bu səbəbdən soyuducuların orta hissələri kimi daha az nəmli yerlərə üstünlük verilməlidir;

3. Adı çəkilən meyvənin saplaqlarını qoparmayın. Çünki saplaqlar qoparıldıqda nəmlik asanlıqla çiyələyin içinə keçir və onun daha tez xarab olmasına səbəb olur;

4. Deşikləri olan qutularda da saxlaya bilərsiniz. Qutunun altına bir kağız dəsmal qoyun və sözügedən meyvələri bir-bir düzün.

Zərintac Mayisqızı
Missiya.Az