“Rusiya Ukraynanın işğal olunmuş ərazilərinin bir hissəsini öz nəzarətində saxlaya bilər”.

Missiya.Az xəbər verir ki, bu barədə ABŞ Prezidenti Donald Trampın xüsusi nümayəndəsi Stiven Vitkov “The Wall Street Journal” qəzetinə müsahibəsi zamanı məlumat verib.

O, Rusiyaya səfəri zamanı Rusiya Prezidenti Vladimir Putinlə ərazi məsələləri ilə bağlı danışdığını təsdiqləyib. 

Vitkov Kreml rəhbərini Ukrayna torpağına kökləndiyini bildirib.

Siyasətçi həmçinin qeyd edib ki, Ukrayna rusdilli bölgələrlə bağlı daha az narahat ola bilər.

Xatırladaq ki, Putin Krım, Donetsk, Luqansk, Zaporojya və Xerson vilayətlərini Rusiyanın bir hissəsi elan edib. Ukrayna Prezidenti Volodimir Zelenski isə deyib ki, Ukrayna heç vaxt bu əraziləri Rusiya ərazisi kimi tanımayacaq.

Daşqın Həsənov
Missiya.Az