“Ermənistan indiki mərhələdə Azərbaycanla, xüsusən də yükdaşımaların nəzərdə tutulduğu Horadis-Yerasx istiqamətində dəmir yolu əlaqəsinə başlamağa hazırdır”.

Missiya.Az “Hraparak” nəşrinə istinadən xəbər verir ki, bunu Ermənistanın Baş naziri Nikol Paşinyan jurnalistlərə müsahibəsi zamanı deyib.

Onun sözlərinə görə, Ermənistan hazırda belə bir həll yoluna hazırdır və əmindir ki, ictimaiyyət bunu real və qarşılıqlı məqbul kompromis kimi qəbul edəcək.

Paşinyan qeyd edib ki, hər bir təklifdən əvvəl cəmiyyətin münasibəti və insanların bunu dinc inkişafın mümkün yolu kimi qəbul edib-etməyəcəyi nəzərə alınır. 

O qeyd edib ki, Ermənistan belə bir təklif irəli sürürsə, bu, ictimaiyyətin onu qəbul edəcəyinə inamın olması deməkdir.

Paşinyan əlavə edib ki, İran ərazisindən keçən marşrutun şərtləri Bakı üçün məqbuldur və Ermənistan öz ərazisindən keçən marşrut üçün də eyni şərtləri təmin etməyə hazırdır. 

“Əgər İranda bu şərtlər normaldırsa, Ermənistanda niyə eyni şeyin qəbul edilə bilməyəcəyi anlaşılmazdır”, - deyə siyasətçi vurğulayıb.

Daşqın Həsənov
Missiya.Az