Çeçenistan lideri Ramzan Kadırovun oğlu, 17 yaşlı Adam Kadırov “Hərbi fərqlənməyə görə” medalı ilə təltif edilib. O, müvafiq mükafatı Rusiya Federasiyası Milli Qvardiya Qoşunlarının Federal Xidmətinin direktoru Viktor Zolotovun əmri ilə alıb. 

Missiya.Az Rusiya mediasına istinadən xəbər verir ki, bu barədə Çeçenistan hökumətinin sədri Maqomed Daudov İnstaqram səhifəsində məlumat yayıb.

“Hərbi fərqlənməyə görə” medalı Rusiya Milli Qvardiyasında 2017-ci ildə təsis edilib. Mükafatın əsasnaməsinə əsasən, o, döyüş tapşırıqlarının yerinə yetirilməsi zamanı şəxsi şücaət, fədakarlıq, təşəbbüskarlıq, uğurlu rəhbərlik və digər xidmətlərə görə verilir.

Daudovun sözlərinə görə,  bu mükafatın Adam Kadırova təqdim edilməsi onun “xüsusi hərbi əməliyyata, habelə “təhlükəsizliyin və asayişin möhkəmləndirilməsinə” verdiyi mühüm töhfələrə görədir.

Qeyd edək ki, Adam Kadırov hərbi əməliyyatlarda iştirak etməyib. Buna baxmayaraq bu artıq neçənci dəfədir ki, ona hərbi əməliyyatlarda göstərdiyi "şücaətlərə görə" orden və medallar təqdim olunur.

Elcan
Missiya.Az