1994-cü il mart ayının 19-u saat 13:00-da 20 Yanvar metrostansiyasında partlayış baş verib. 

Missiya.Az xəbər verir ki, qatarın baş vaqonuna qoyulmuş saat mexanizmli əldə düzəltmə bomba qatar stansiyada dayanandıqdan sonra partlayıb.

Hadisə nəticəsində 14 nəfər həyatını itirib və 49 nəfər yaralanıb. Həlak olanların arasında terror hücumunun icraçısı Oktay Qurbanov və Azərbaycan Respublikasının xalq artisti Rafiq Babayev də var idi.

Qeyd edək ki, 1994-cü ilin iyul ayının 3-də Bakı metrosunda ikinci terror aktı olub. Saat 20:30-da 28 May metrostansiyasından çıxıb Gənclik metrostansiyası istiqamətində hərəkət edən qatarın platformaya çatmağına 500 metr qalmış, elektrik qatarın ikinci vaqonunda partlayış, sonra qatarda yanğın baş verib. Nəticədə 13 nəfər həlak olub və 58 nəfər isə yaralanıb.