Ərəb Dövlətləri Liqası Ermənistan və Azərbaycan arasında sülh danışıqlarının başa çatması barədə elanı alqışlayıb, bunu iki ölkə arasında münaqişəyə son qoymaq və Qafqaz regionunda uzunmüddətli sülhün bərqərar olması üçün zəruri və mühüm addım hesab edib.

Missiya.Az xəbər verir ki, Ərəb Dövlətləri Liqasının Baş Katibliyi mübahisələrin sülh yolu ilə həlli və həllinin əsasını qoyan sazişi tam dəstəklədiyini bir daha təsdiqləyib.

Baş Katibliyin nümayəndəsi iki tərəf arasında həll edilməmiş bütün məsələləri həll edəcək yekun hərtərəfli sülh sazişinin tezliklə imzalanmasına ümid etdiyini bildirib və əlavə edib ki, diplomatik dialoq uzanan münaqişənin həlli üçün yeganə səmərəli yol olaraq qalır.

Qeyd edək ki, artıq bir çox ölkələr Ermənistan və Azərbaycan arasında sülh sazişinin mətni ilə bağlı razılaşmanı alqışlayıb və onun yaxın gələcəkdə imzalanacağına ümid etdiyini bildirib.

Daşqın Həsənov
Missiya.Az