“Kollektiv Təhlükəsizlik Müqaviləsi Təşkilatı (KTMT) Avropa İttifaqının (Aİ) Ukraynaya qoşun yeridəcəyi təqdirdə yardım üçün müxtəlif variantlar təklif etməyə hazırdır”. 

Missiya.Az xəbər verir ki, bu barədə KTMT-nin Baş katibi İmanqali Tasmaqambetov “İzvestiya” qəzetinə müsahibəsində məlumat verib.

“Bu, ilk dəfə deyil ki, Avropa paytaxtları Ukraynaya hərbi kontingentin mümkün göndərilməsini müzakirə edirlər. Lakin bu kontingentlər hələ də rəsmi olaraq orada yoxdur. Səbəb odur ki, bu, regional miqyasda təhlükəli vəziyyət yarada bilər. Belə risklər yaranarsa, KTMT təşkilatın nizamnamə sənədlərində nəzərdə tutulan və təbii ki, bütün üzv dövlətlər tərəfindən təsdiqlənən çərçivədə yardım üçün müxtəlif variantları təklif etməyə hazır olacaq”, - deyə siyasətçi bildirib.

Onun sözlərinə görə, Avropa İttifaqının əhalisi bu ölkələrin hökumətlərinin qoşun yeritmək qərarını bəyənməyə bilər. 

Tasmaqambetov qeyd edib ki, bu hərbi birləşmələr hücum əməliyyatlarında iştirak etməsələr də, polis və ya müşahidə funksiyalarını yerinə yetirməyə başlasalar belə vəziyyət cəmiyyət üçün problemə çevrilə bilər.

Daşqın Həsənov
Missiya.Az