ABŞ Prezidenti Donald Tramp hesab edir ki, Ukrayna nizamlanmasına dair razılaşma ya tez əldə olunacaq, ya da heç olmayacaq. 

Missiya.Az xarici mediaya istinadən xəbər verir ki, Tramp bu barədə ikitərəfli danışıqların yekunu üzrə Ağ Evdə Böyük Britaniyanın Baş naziri Keir Starmer ilə birgə mətbuat konfransında bildirib.

Trampın sözlərinə görə, Ukrayna nizamlanması məsələsində “böyük irəliləyiş” əldə olunub. "Mən düşünürəm ki, işlər olduqca sürətlə gedir" "Bu, nisbətən tez baş verəcək və ya heç olmayacaq", - Amerika lideri belə hesab edir.

“Əgər sülh istəyirsənsə, münaqişənin hər iki tərəfi ilə danışmalısan”, - deyən Tramp qeyd edib ki, bu yanaşma “sağlam düşüncə” tərəfindən diktə edilir. “Növbəti addımımız atəşkəs istiqamətində olacaq və buna nail olmaq tamamilə mümkündür. Ümid edirik ki, bu, tezliklə baş verə bilər”, - deyə ABŞ Prezidenti yekunlaşdırıb.

Elcan
Missiya.Az