“ABŞ ilə silahlı münaqişə baş verəcəyi təqdirdə İran Yaxın Şərqdəki bütün Amerika hərbi bazalarını vuracaq”.

Missiya.Az “TASS”a istinadən xəbər verir ki, bunu İranın müdafiə naziri briqada generalı Əziz Nəsirzadə deyib.

"Amerika tərəfinin bəzi nümayəndələri bizi hədələyirlər ki, danışıqlar nəticə verməsə, münaqişəyə gedəcək. Ümid edirəm ki, danışıqlar uğurlu olacaq, lakin bizim üzərimizə silahlı münaqişə qoyularsa, düşmənin itkiləri mütləq daha çox olacaq və bu halda ABŞ regionu tərk etməyə məcbur olacaq”, - deyə siyasətçi vurğulayıb.

Nəsirzadə İranın ötən həftə iki tonluq döyüş başlığı ilə təchiz edilmiş raketi uğurla sınaqdan keçirdiyini qeyd edib:

“Əməliyyat qüvvələrimiz tam təchiz olunub. Keçən həftə iki tonluq döyüş başlığı ilə uğurlu raket sınağı həyata keçirdik”, - deyə siyasətçi əlavə edib.

Daşqın Həsənov
Missiya.Az