“Zəngəzur dəhlizi ilə bağlı Ermənistanın mövqeyini yalnız Tehran dəstəkləyir və bölgə ölkələri arasında Zəngəzur dəhlizinin yaradılmasına qarşı çıxan yeganə ölkə İrandır”. 

Missiya.Az xəbər verir ki, bunu İranın Ermənistandakı səfiri Mehdi Sübhani mətbuat konfransı zamanı deyib.

“Zəngəzur dəhlizi həm Ermənistan, həm də İran üçün təhlükəlidir. İran və Ermənistan arasında sərhəd dəqiq müəyyən edilib və Ermənistan-Azərbaycan sərhəd danışıqlarının İranla Ermənistanın ortaq sərhədinə heç bir təsiri olmayacaq. Biz problemlərin həlli üçün diplomatiya və dialoq yolunu dəstəkləyirik. Mübahisələrin həlli üçün güc tətbiqinin əleyhinəyik”, - deyə diplomat vurğulayıb.

Sübhani qeyd edib ki, İran bölgənin yeni gərginliyə düşməməsi və yeni münaqişənin başlamaması üçün hər cür səy göstərəcək.

Onun sözlərinə görə, dəhliz yaratmaq üçün güc tətbiq etməyə heç bir əsas yoxdur, çünki kommunikasiya marşrutu artıq mövcuddur.

Daşqın Həsənov
Missiya.Az