Çoxumuz əksər vaxt oyanar-oyanmaz, dərhal səhər yeməyini qəbul etməyə çalışırıq ki, işə, gedəcəyimiz yerlərə gecikməyək. Bəzən heç yemirik də... Lakin səhər yeməyinin qəbulu hər zaman mütəxəssislər tərəfindən tövsiyə olunur. Metabolizmaya çox faydalıdır, insan orqanizmini enerji ilə təmin edir. Düzgün vaxtda yeyilməyəndə, tələsə-tələsə istehlak edəndə əslində bilmədən sağlamlığımıza ziyan veririk.

Səhər yeməyi sevənlərə isə vacib məsləhətlər var. Araşdırmamıza görə, gün sonunda qəbul etdiyimiz qida ilə səhər oyandığımızda istehlak etdiyimiz yeməklə 12 saat məsafə olmalıdır. Bu, bədəni karbohidratlar əvəzinə yağ yandırmağa sövq etmək, kilo itkisi və ümumi yaxşı metabolik sağlamlıq ilə əlaqələndirir.

Oyanan zaman suya biraz duz qatıb içmək lazımdır. Mütəxəssislər əsasən, saat 9-10-a kimi səhər qida istehlak etməyi məsləhət görür. Tərkibində zülal, sağlam yağlar və karbohidratlar olan qidalar qəbul edilməlidir. Onların balansına diqqət yetirmək gərəklidir. Zülal əzələlərin bərpasına kömək edir, sağlam yağlar uzunmüddətli enerjini dəstəkləyir və karbohidratlar performansı artırır.

Zərintac Mayisqızı
Missiya.Az