“Sülh müqaviləsi ilə bağlı heç bir yenilik yoxdur, çünki mən artıq demişəm ki, layihədəki 17 maddədən 15-i razılaşdırılıb, razılaşdırılmamış iki bənd var və Ermənistan hər ikisinin həlli yollarını təklif edib”. 

Missiya.Az “Hraparak” nəşrinə istinadən xəbər verir ki, bu barədə Ermənistanın Baş naziri Nikol Paşinyan mətbuat konfransı zamanı məlumat verib.

O bildirib ki, razılaşdırılmamış bəndlərdən biri üçüncü ölkə qüvvələrinin nümayəndələrinin sərhəddə yerləşdirilməməsi ilə bağlıdır: 

"Biz bunu sərhədə, demarkasiya olunmuş hissələrə tətbiq etməyi təklif edirik", - deyə siyasətçi vurğulayıb.

Paşinyan qeyd edib ki, həmçinin beynəlxalq forumlardan mübahisələrin hüquqi baxımdan geri götürülməsi məsələsi də var ki, bu da müəyyən şərtlər daxilində bizim üçün məqbul ola bilər. 

Daşqın Həsənov
Missiya.Az