ABŞ Prezidenti Donald Trampın Rusiya dövlət başçısı Vladimir Putini Ukrayna ilə bağlı danışıqlara məcbur etmək üçün təzyiqləri artıracağı barədə son hədələri Moskva tərəfindən kifayət qədər laqeydliklə qarşılanıb.

Missiya.Az xəbər verir ki, bu barədə “The Wall Street Journal” yazı dərc edib.

Bildirilib ki, Putinin yaxın çevrəsinin Trampın təhdidlərini boş hesab etməyə əsasları var:

“Müharibə ölkənin resurslarını və işçi qüvvəsini tükətsə də, Kreml sanksiyalara uğurla müqavimət göstərdiyini və Moskvanın ən azı daha bir il davam edəcək qarşıdurmaya tab gətirə biləcəyinə inanır. Rusiya pul və insan itirsə də, onun mübarizəni davam etdirmək və üstünlüyə sahib olmaq üçün hələ də kifayət qədər gücü var”, - deyə vurğulanıb.

Qeyd olunub ki, Putin Trampla Ukrayna rəhbərliyinin iştirakı istisna olmaqla, Moskva üçün məqbul olan nizamlanmanı müzakirə edə biləcəyi sammitə can atır.

Daşqın Həsənov
Missiya.Az