Naməlum şəxslər Ermənistanın Baş naziri Nikol Paşinyanın qaynı, "Mülki müqavilə" partiyasından olan deputat Hraçya Hakopyanın malikanəsini qarət ediblər.

Missiya.Az xəbər verir ki, bu barədə "Hraparak" qəzeti məlumat yayıb.

Nəşr bildirib ki, qarət bu ilin əvvəlində baş verib, lakin Hakopyan bu faktı gizlətməyə çalışıb və bunu müxtəlif növ spekulyasiyalar yaratmaq istəməməsi ilə izah edib. Buna baxmayaraq, hadisə partiya daxili dairələrdə geniş müzakirə olunur. Nəşrin iddiasına görə, bəziləri bildirir ki, əgər deputat səyahətlərdə itib-batmaq əvəzinə ailə məsələlərinə daha çox vaxt ayırsaydı, qarətin qarşısını almaq mümkün olardı.

Ermənistan polisi yanvarın 14-də Dzoraxbyur kəndində evin qarət edilməsi barədə məlumatın daxil olduğunu və materialların İstintaq Komitəsinə göndərildiyini təsdiqləyib.

Qəzet qeyd edilib ki, Hakopyan tərəfindən malikanə Ermənistanda hakimiyyət dəyişikliyindən sonra alınıb.

Zərintac Mayisqızı
Missiya.Az