Günümüzdə həkim məsləhəti olmadan apteklərdən müxtəlif növ vitamin alanların sayı kifayət qədərdir. Bunda kənar məsləhətlərin, sosial medianın rolu böyükdür. Mütəxəssislər deyir ki, insanların qəbul etdiyi vitaminlər onları qorumaq əvəzinə səhhətlərində ciddi problemlərə səbəb olur, əks təsirlər göstərir. "Sadəcə vitamindir" deyib keçmək olmaz. Həkimlər bununla bağlı həyəcan təbili çalır.

Araşdırmalara görə, sağlam şəkilə diyetdə olmaq, mövsümə uyğun meyvə və tərəvəzlər yemək daha faydalı vitamin mənbələridir. Unutmayaq ki, satışda olan heç bir dərman mineral, təbii məhsullarla müqayisəyə belə gəlməz. Doğru qidalanma rejimi ilə orqanizmimizin ehtiyacları təmin edilə bilər.

Lakin ortada ciddi bir vitamin çatışmazlığı varsa, buna həkim baxmalı, hansı vitaminin gərəkli olduğunu və hansı miqdarda qəbul etmək barədə məlumat verməlidir.

Gəlin, sağlamlığımızı riskə atmayaq.

Zərintac Mayisqızı
Missiya.Az