İsrailin istifadə etdiyi sursatların tədarükçüsü olan Serbiya qonşusu NATO üzvü Xorvatiya ilə silahlanma yarışı fonunda İsrail silahları üçün 335 milyon dollarlıq müqavilə imzalayıb.

Missiya.Az xəbər verir ki, bu barədə “Haaretz” nəşri məlumat yayıb.

Serbiya Prezidenti Aleksandar Vuçiç yeni sistemlərin Xorvatiyanın aldığı ABŞ istehsalı sistemlərdən də yaxşı olması ilə öyünüb: “Şübhəsiz ki, HIMARS-dan daha güclüdür. İndi nə aldığımızı başa düşürsünüz”.

“Elbit” və İsrail Müdafiə Nazirliyi “Haaretz”in Serbiyanın NATO üzvünə qarşı İsrail silahlarından istifadə etməməsinə necə təminat verə biləcəkləri ilə bağlı suallarına cavab verməkdən imtina edib.

Vuçiç helikopter və “Dassault Rafale” təyyarələrinin alınmasına da toxunub, daha sonra Xorvatiyaya, dolayısı ilə Aİ və NATO-ya xəbərdarlıq edib. Serbiya dövlət başçısı vurğulayıb ki, bu sayədə istənilən çağırışa və onlardan üstün olduğunu düşünən hər kəsə cavab verə biləcəklər.

Güman edilir ki, alınan silahlar qabaqcıl artilleriya sistemləri və pilotsuz uçuş aparatlarından ibarətdir.

Zərintac Mayisqızı
Missiya.Az