"Kiyevdəki qərar qəbuletmə mərkəzləri mövcud təhdidlərdən asılı olaraq Rusiyanın zərbələrinin hədəfi ola bilər, lakin Moskva heç vaxt mülki obyektləri vurmur".

Missiya.Az xəbər verir ki, bunu Rusiyanın xarici işlər naziri Sergey Lavrov yerli və xarici KİV-lərə müsahibəsində deyib.

"Biz Ukrayna ərazisinə zərbələr endirmək üçün hədəfləri sırf Rusiyaya yönəlik təhdidlərə əsaslanaraq seçirik. Bunlar hərbi obyektlər və müdafiə müəssisələri ola bilər. Kiyevdəki qərar qəbuletmə mərkəzləri də belə hədəflər ola bilər. Mülki hədəflərə cavab zərbələri endirmək Qərbin dəstəyi ilə Kiyevdə yerləşmiş nasistlərin qaydalarıdır. Onlara sadəcə mülki infrastrukturu və mülki insanları məhv etmək üçün silah verirlər”, - Rusiyanın baş diplomatı bildirib.

Lavrov qeyd edib ki, Kiyev hər gün pilotsuz uçuş aparatları və Qərb raketləri ilə “açıq-aşkar mülki hədəflərə” zərbələr endirir: "Bu zərbələr zamanı mülki əhali həlak olur. Zərbələr təcili yardım maşınlarına, mal bazarlarına və digər mülki obyektlərə endirilib".

Zərintac Mayisqızı
Missiya.Az