İdman etmək sağlam bir həyatın açarıdır, təəssüf ki, çoxumuz tənbəllik edirik. Nə qədər faydalı olduğunu bilsək belə... 

Təbii ki, idmana həmişə vaxt ayıran şəxslər də var. Ancaq bu doğru üsullarla edilməzsə böyük fəsadlara səbəb ola bilər. Sağlam şəkildə idman üçün bədənimizi istirahət etdirmək, doğru qaydalardan istifadə gərəklidir. İdman təkcə fiziki sağlamlıq yox, həm də ümumi sağlamlıqdır.

İdmanın düzgün qaydaları barədə kiçik araşdırma apardıq.

Uyğun ayaqqabılar geyinmək, basketbol oyunu kimi idmanlar həyati önəm daşıyır. İsinmə və soyuma məşqləri də edilməlidir. İsinmə ilə əzələlərimiz, vücudumuz hazır hala gəlir. İdman bitdikdən sonra əzələlərdəki gərginliyi azaltmaq və bədəni özünə gətirmək üçün soyuma hərəkətləri tətbiq olunur. 

İdman zamanı ani olaraq, birdən-birə vücudunuzu yükləməyin. Xüsusilə yeni başlayanlar, uzun müddət ara vermiş olanlar yavaş-yavaş, sistemli qaydada başlamalıdır ki, bu da riski ən aza endirir.

Bədəndə çevikliyi artırmaq üçün yoga, pilates də tövsiyə olunur. Normada qidalanın və çoxlu su istehlak edin. Tərkibində D vitamini, kalsium ve Omega-3 olan yeməklərə üstünlük verin.

Zərintac Mayisqızı
Missiya.Az