Cənubi Koreyanın Milli Assambleyası hərbi vəziyyətin tətbiqinə cəhd etdiklərinə görə prezident Yun Suk Yol və daha 7 məmurun dərhal həbs edilməsini tələb edən qətnaməni təsdiqləyib.

Missiya.Az xəbər verir ki, bu barədə “Yonhap” agentliyi məlumat yayıb.

Bildirilir ki, qətnamənin lehinə 190 deputat, əleyhinə 95 deputat səs verib, üç deputat isə bitərəf qalıb.

Qeyd olunub ki, bundan əlavə, parlament qiyamda ittiham olunan prezidenti araşdırmaq səlahiyyətinə malik xüsusi prokurorun təyin edilməsini təsdiqləyib. Qətnamədə həmçinin müdafiə naziri Kim Yonq-Hyun və hərbi vəziyyətin elan edilməsində iştirak edən digər məmurlar barəsində araşdırmaların aparılması tələb olunur. 

Məlumata görə, bu qətnamənin lehinə 210, əleyhinə 63 deputat səs verib, 14 deputat isə bitərəf qalıb.

Xatırladaq ki, Yun Sok Yol dekabrın 3-ü axşam saatlarında ölkədə hərbi vəziyyət elan edib.

Daşqın Həsənov
Missiya.Az