"Bu, həmin insanların yerinə yetirdiyi son tapşırıqdır. Hər şey nəzarət altındadır, “Natsmaydan” iflasa uğrayıb və ölkənin maraqları tamamilə qorunacaq".

Missiya.Az “Aktual.ge”yə istinadən xəbər verir ki, bunu Gürcüstanın Baş naziri İrakli Kobaxidze Tbilisidə keçirilən etiraz aksiyaları ilə bağlı danışarkən deyib.

"Uğursuz “Natsmaydan”dan sonra görürük ki, bəzi qüvvələr və zorakı qruplaşmalar ölkəmizin maraqlarına zərər vurmağa çalışırlar, o cümlədən biznes fəaliyyətinə müəyyən ziyan yetirmək kimi addımlar atırlar. Amma, əlbəttə ki, bu cəhdlər də uğursuzluğa məhkumdur. Bu, həmin insanların yerinə yetirdiyi son tapşırıqdır. Hər şey nəzarət altındadır, “Natsmaydan” iflasa uğrayıb və ölkənin maraqları tamamilə qorunacaq”, - deyə siyasətçi vurğulayıb.

Kobaxidze bildirib ki, Tbilisinin küçələrində müşahidə etdiyimiz bu sistematik kobud zorakılıq hələ də aidiyyəti subyektlər tərəfindən qınanmayıb. 

“Təbii ki, burada ilk növbədə beynəlxalq subyektləri nəzərdə tuturam. Ümid edirik ki, gələcəkdə belə qınama görəcəyik. Əlbəttə, bəzi şəxslərin bu cür qınamaması zorakılığa yaşıl işıq yandırmaq kimi qiymətləndirilir ki, bu da çox təəssüf doğurur" , - deyə siyasətçi əlavə edib.

Daşqın Həsənov
Misisya.Az